إقرأ واتعظ

اهداء الى جميع امهات امه محمد
القلب يحـزن والمدامـع غزيـره
في جوفي ناراً من لهبها تبكيـت

والدارظلمـا كانـت أمـي تنيـره
يايمه وينك من دونك خلا البيـت

قلبي تفطرعلـى الفرقاءالمريـره
أمنـت بالله وباأقـداره ترضيـت

الموت حقٍ وكلـن لـه مصيـره
وموت النبي قبلك يايمـه تعزيـت

هذاجلالك وريحـك فـي عبيـره
كل يوم أشمه ولاشفتـه تهنيـت

صوتـك يايمـه يامحـلا أثيـره
حنانـك يمـه يخلينـي تدفـيـت

من يوم رحتـي والمشاعرأسيـره
محداً يفضفضه و ابصمتي تسجيت

يايمـه منهو أجيلـه وأستشيـره
يعدلني لا شفت الصواب وتنحيـت

يايمـه كلـن يناظرلـي بحيـره
من يوم رحتي وأنا اللي ماتواسيت

يوم كنتي عندي كني أمير ديـره
كلن يناديني يقولي تعـال هيـت

ويوم رحتي يمه وكني في جزيره
و حيداً فيها عن الناس تواريـت

أجي دويخ فـي وقـت الظهيـره
محداً سأل عني يقولـي تغديـت

وأبيت ليلـي وعيونـي سهيـره
كم من ليالـي نايمـاً ماتعشيـت

ظروفٍ يمـه تواجهنـي عسيـره
ألشكـوا لله بظروفـي تعنـيـت

ياكم تعلـم مـن معانـي غزيـره
يامنهـل التعليـم منـك تربيـت

كم قصةٍ قلتي وللماضـي نسيـره
ولا جيت عندك سواليفـك تسليـت

آآآه يا يـمـه نظراتي الأخــيرة
مليـت كفـي تربـاً ثـم حتيـت

أبشـري يمـه بدعـوات كثيـره
كل ما ذكرتـك وللرحمـن صليـت عندما تموت الأم ينادي ملك من فوق سبع سماوات يابن أدم ماتت التي كنا نكرمها من أجلها[i][b]

قصيدة جميلة شكرا لك و لا ننسى ان الجنة تحت اقدام الامهات

والموت مقدر و مكتوب و كلنا ميتون .....ارحمنا يارب

معك حق الأم اعظم مخلوق
وبعد حنانها مافي حنان