كيف تكسب الجنسية الحمصية وبكل فخر؟؟؟

أهلا بكل الأعضاء شباب وبنات هاد الموضوع مهم كتيير يلي حابب يصير حمصي
أوعم يتشبه بالحماصنة أو بيرغب ينتمي الهم من جوارهم مع احترامي لأهل حمص
وهي بعض الشروط لكي تصبح حمصي

أول شي لازم تعرف أنوالجنسية الحمصية هبة من الله سبحانه( و رفعنا بعضهم فوق بعض درجات ) لازم تكون مقتنع انو حمص مستقلة و لازم تكون كرماوي لإنو الكرامة إنتماء منفصل ..

أن تكون مستعدا لأن تعيد يوم الأربعاء ، يعني تصيف عالأخير لازم تمشي بعكس السير مثلا ، تلعب بالطابة بالشارع ، تلحق بنت وتلطشها ، تسبح عالشاطئ ،مع إنو ما في شاطئ بحمص ، بس بدك تدبر راسك ، يعني تخرج عن كل الضوابط والأعراف المألوفة ، فكل ما هو مألوف يجب تغييره يوم الأربعاء حصرا

لازم تكون من العالم اللي بحبو أكلة المجدرة . مع البصل طبعا. فإذا ماكنت هيك روح دور على غيرن جنسية!

لازم تكون مطيع كتير لزوجتك ، لأنو الحماصنة مرضيين كتير ، يعني بدك تخفف شوي من رجولتك..يعني مايكون إلك كلمة بالبيت .

بدك تكون ظريف كتير مع الموظفين ، لأنو الموظفين بحمص حساسين كتير و بيزعلو أوام ، يعني بدك تراجعهم بذوء وهدوء بدون ما تجرح مشاعرهم، ولا تنسى .. المعلوم !! اي اي المعلوم لأنو بلاه ما في شي بيمشي!

لازم يكون عندك فراسة وسرعة بديهة ، وتعرف الشوفير اللي ماشي قدامك لوين رايح وكيف بدو يلف او بدو يضرب فرام ولا لاء !! لأنو بحمص ما حدا بيعطي إشارة وكلو بيطحش على كلو !! وعلى فكرة لازم تزكرو ا كمان انو يشغلك العداد لأنو وين مارحت رح ياخد منك 50 ليرة لذلك فزكرو منشان يشغل العداد

لازم تكون رئتك ملوثة بنسبة 99.999 % لأنو إذا كنت متعود على الهواء النظيف والعليل ، ما راح يمشي حالك لأنو بتمرض بعدين بأمراض مزمنة . لأنو موجود كل أنواع التلوث بحمص.. والحمد لله ، إلا إذا حبيت تسكن غرب حمص ، على ضهر القصير مثلا أو بالقرب من مرمريتا ، فيمكن يمشي حالك وبيجوز تموت هنيك لأنو الحماصنة بس طلعو من حمص بموتو و طلع السبب انو عم يشمو برات حمص هوا نضيف

ولا تنسى الأركيلة .. لازم يكون عندك نفس ماكن يعني شفيط
نمرة ون.
ممكن تحصل على مرتبة الشرف إذا ضربت تنين حموية ..ههههه

أكيد بدك تحفظ شعارالحماصنة .. وهوي

الحماصنة الصقور الحرة
نظرتهم حادة ومرة ..
واللي بيحبهم مرة
بيحبوه ألف مرة ومرة..

وأخيرا وليس آخرا : إذا وجدت هذه الشروط
منطبقة عليك أو بإمكانك الوفاء بها ،
فلحق حالك ها لأربعاء لأنو كل أربعاء الشروط بتتغير.....

وكل مالها الشروط عم بتصير معقدة أكثر ههههههههه ......

وتحياتي لكل الحمصيين وجيرانهم الي بحبوا يكسبوا الجنسية الحمصية

Admin

موضوع جميل شكرا لك

مشكورة على الموضوع

الحمد الله انا حمصية ومطبقة الشروط كلها

» كيف تكسب قلوب الآخرين
» الخمسانات الحمصية
» العراضة الحمصية